 |
| Ruth Funke Olapoju (Asalewa) |
Mo ronú orin tí mo fẹ kọ, mi ò rí wí
Mo ronú àṣàyàn tí mo fẹ lò, mi ò rí rà.
A ṣe lóòótọ́ tí inú ẹni ba dùn ládùnjù
Àlàyé a má dáni mọ́lẹ̀ bí ọ̀lẹ
Ọ̀rọ̀ a sì fani kù sẹ́yìn bí ẹni tí ò gbédè.
Báwo ni ko ba ṣe dùn tó kí n rewi ọ̀ún ké bí ṣe ń gbemi lọ́kàn sókè.
Nínú ọgbọ́n orí Asalewa tí jawe olubori.
Funke lẹ́bùn tó pọ̀ ló fi di gbajúmọ̀ láàárín onísẹ́ ọpọlọ
ìwọ̀ntunwọ̀nsì lo kàwé lo fi jàre Alákàódì.
Amọloju-Amọlẹsẹ, arambara oge bí ọ̀kín
Ọmọ Olapoju rẹwa lobinrin, ẹ̀gàn ni hẹẹ
Àṣà rẹ kò ní ṣá lójú ayé
Gbogbo ọjọ́ ayé l'àṣá rẹ ó ma fò lókè
Ẹwà àṣà rẹ kò sì ní dìkọ̀tì láéláé
ASALEWA yóò sì ma wá kánrinkáṣe.
0 comments:
Post a Comment