Okùnrin e̩ni o̩dún mé̩tàdínló̩gbón fi ipá bá o̩mo̩ o̩dún mé̩rìnlá sùn ní Ondo, ó ní òun ò mò̩ pé ó ma d̀ùn-ún.

OLADEJI O. KEHINDE

Àwo̩n o̩ló̩pàá Òkìtipupa ní ìpínlè̩ Ondo ti ń wa Goke Akinmusayo, e̩ni o̩dún mé̩tàdínló̩gbò̩n lórí è̩sùn pé ó fi ipá ba o̩mo̩bìnrin o̩dún mé̩rìnla kan lòpò̩.

E̩ni afurasí náà ni a gbó̩ pé ó wu ìwà kòtó yìí nígbà tí è̩gbó̩n o̩mo̩débìnrin náà ran ní is̩é̩. Ìs̩è̩lè̩ yìí tí ó wáyé ní nǹkan bíi aago méje sí aago mésàn-an alé̩ àná ní ojúlé karùn-ún-lé-lógójì (45), àdúgbò Akinnubi ní ìjo̩ba ìbílè̩ Òkìtìpupa, ìpinlè̩ Ondo ti kó ìpayà ńlá bá gbogbo àwo̩n ará agbègbè náà.

Ìyá o̩mo̩ náà tí o̩kàn rè̩ ti dàrú gidigidi báyìí lórí is̩è̩lè̩ náà so̩ wí pé “mo ti ibi is̩é̩ dé alé̩ o̩jó̩ náà ni òun s̩e àkíyèsí wípé o̩mo̩ náà kò sí ní ìtòsí, ní èyí tí ó s̩àjèjì rè̩. Ìgbà tí mo ma bó síta pé kí ń wá a lo̩ ní mó bá a níbí tí ó tí ń jà ràpàràpà nínú ìrorà. Ìgbà ti mo bèèrè ló̩wó̩ rè̩ pé kí ló s̩e e àti wipé níbo ló ti ń bò̩, ó tiraka àti so̩ fún mi pé o̩mo̩kùnrin kan tí ó ti ń bá òun sò̩rò̩ ìfé̩ láti ójó̩ pípé̩ tí òun ò sì gbà fún un ni ó fi ipá fa òun wo̩ inú iyàrá rè̩ tí ó sì fún òun ní otí e̩lé̩rìndòdò mu kí ó tó fí ipá bá a lò”.

Gbogbo èyí ló wáyé nígbà tí o̩mo̩dé náà ló̩ jé̩ is̩é̩ fún è̩gbó̩n òun. È̩gbó̩n o̩mo̩ náà tí kò fé̩ kí a dárúko̩ òun so̩ wípé lóòótó̩ ni òun rán-an láti lo̩ bá oùn gbà bátìrì fóònù òun wá ní àdúgbò náà àmó̩ òun ò mò wípé ó ní e̩ni ti ó ń do̩de̩ rè̩.

Ìgbà tí àwo̩n òbí o̩mo̩dé náà ti mó̩ ibi tí iná ti jó wá, wó̩n ló̩ bá Goke ní ilé̩ rè̩ onítò̩hún ò sì sé̩ è̩sùn tí wó̩n fí kàn-án náà. Ó ní lóòóto̩ ni òun fi ipá bá o̩mo̩n náà lò àmó̩ òun ò mò pé ó ma dùn-ún.

Ó gbà láti tè̩lé wo̩n lo sí ilé ìwòsàn ìjo̩ba ti wó̩n ti ń tó̩jú o̩mo̩ náà. Ìgbà tí wó̩n dé ilé ìwòsàn, àwo̩n dókítà ní kí ó sán e̩gbè̩rún méjì náirà fún ìtò̩jú o̩mo̩ náà. Goke ní e̩gbè̩rún-kan-ààbò̩ náírà ní ó wà ní o̩wó̩ òun ó sì ní kí wó̩n fún òun láyé kí òun lo̩ mu èyí tí ó kù wá nílé.

Ìyá o̩mo̩ náà tí ó pe orúko̩ ara rè̩ ní Rebecca tè̩le e kí ó ma ba sálo̩, amò̩ ò̩rò̩ yípada nígbà tí wó̩n dé ojú náà nígbà tí o̩mo̩kùnrin náà gbá Rebecca ní gògóńgò mú tí ó sì já ara rè̩ gbà ló̩wó̩ rè̩ ló bá sá lo̩.

Àwo̩n o̩lo̩pàá nàkà àbùkù sí bí ìyá o̩mo̩ náà ti s̩e jé̩ kí e̩ni afurasí náà ó sá lo̩ kí wó̩n tó fò̩rò̩ náà tó wó̩n létí. Àmó̩ s̩á o, ìwádìí tí bè̩è̩rè̩ báyìí àwo̩n o̩lo̩pàá sì ti ń wá gbogbo ò̩nà láti fí mu o̩kùnrin náà.

Audio Book

Okùnrin e̩ni o̩dún mé̩tàdínló̩gbón fi ipá bá o̩mo̩ o̩dún mé̩rìnlá sùn ní Ondo, ó ní òun ò mò̩ pé ó ma d̀ùn-ún.

About Olayemi Oniroyin

0 comments:

Post a Comment

Gbajugbaja ìròyìn

Audio Book

Okùnrin e̩ni o̩dún mé̩tàdínló̩gbón fi ipá bá o̩mo̩ o̩dún mé̩rìnlá sùn ní Ondo, ó ní òun ò mò̩ pé ó ma d̀ùn-ún.

About Olayemi Oniroyin

RELATED POSTS

0 comments:

Post a Comment