Femi Solar: Asọtẹlẹ ọjọ kẹwaa osu kẹrin odun [10-04-16]

Femi Solar

Awọn Yoruba ni Satide ti yoo dun yungbayungba, ọjọ Jimoh lapẹrẹ rẹ ti n yọju. Orisiirisii iroyin lo ti gba igboro nipa ifilọlẹ awo orin tuntun Femi Solar. Tẹlifisan ati rẹdio o si le sọrọ meji ki won to sọ nipa okiki, ọla ati ogo oba orin Jasa ti n bọ lona. 

Boya ẹyin ko tilẹ ti i gbọ, ọjọ kewaa osu kẹrin ọdun yii (10-04-2016) ni omo Oladele yoo ma se ifilọlẹ awo orin tuntun rẹ to pe ni Mercy Beyond ninu gbongan nla Genesis to wa nile Ibadan nile Oluyole Oba Saliu Adetunji (AjeOgungunniso 1). 

Lara awon iwe iroyin ti won menu ba alaye ayeye ojo naa ni NATIONAL MIRROR, CITY PEOPLE MAGAZINE, VANGUARD, PM PARROT, NIGERIAN TRIBUNE, NEWS247, THENET,  DMESSAGEBLOG, DRUMBEATNEWS, NIGERIAN TRIBUNE BUSINESS NEWS WORLD, HOTDROPZ, NIGERIA SHFQNA, ati bee bee lo. Apeere yii fi n han wi pe, ayeye kan yoo waye n'Ibadan, eleyii ti awon eniyan yoo ma fi sakawe ọrọ titi laelae.

 

Yato si ori ade, awon oloye laafin ati awon ọtọkulu lawujo ti won yoo ma pejupesẹ sibi ayeye naa; aimoye agba irawọ lagbo amuludun ilẹ Naijiria ni won yoo ma wa nikale lati ye Femi Solar si.  E ma je n parọ fun yin, Olayinka Ayefele ti setan orin, Alabi Pasuma si ti setan lati pede ara. Ti ibeji Adegbodu ba n korin, inu emi lorin won ti wa. Mega 9'9 n ko orin atilu bọ wa lati ilu Eko wa ka Femo Lacaster mole. A je wi pe konpitisan orin yoo tun sẹlẹ lapa kan niyen. Bi Dele Bravo se n ju tungba bee ni yoo ma ju keneri fun awon to mọ yaayi orin gidi. Nigba ti Taye Currency yoo maa mu nomba orin fuji nibi talujo ti gbe ki pelu awon agba olorin to ku. 

Ti gbogbo re yoo si ma sokutuwọwọ pelu Mr Latin ti yoo ma dari eto naa bi ọkọ baalu ti n fo loke.

Eniyan ti o si lode ariya eleyii lo miisi pupọ ju. Asọ funfun, asọ ogo, laso ariya Solar. Fidio orin Grace ti won yoo ta legberun kan naira lọjọ naa si ni tikeeti ti gbogbo wa yoo fi wole sinu gbongan nla ọlọyẹ tutu Genesis to wa nibadan.

Share on Google Plus

About Olayemi Oniroyin