Yoruba Dun: Itan igbesi aye Olabisi K (1)

#AyeOlabisiK @OlayemiOniroyin

 Itan igbesi aye Olabisi K (1)

Awọn Yoruba ni oju ẹni maa la, dandan ni ki oju naa riyọnu. Itan yii ti fi igba kan kọkọ wa lori Yoruba Dun ni odun 2011; ibẹ lati kọkọ gbe itan naa jade. Sugbon bayii, a ti gbiyanju lati se akojọpọ itan naa ki won le wa loju kan naa lori Olayemi Oniroyin. Sebi omi ẹko, ẹko naa ni.

Ka rosọ mọdi, ka rodi masọ sebi kidi ma ti wa lofifo naa ni gbogbo ọgbọn tan an da.

Arabirin Olabisi K ni isele naa sele si, Olabisi K si ni awon eniyan mo si i lori Yoruba Dun nigba ti leta naa kọkọ jade.

E je k’emi dake nibi na, nigba ti Olabisi K yoo maa fi ẹnu ara rẹ salaye awon iriri rẹ pata sinu leta rẹ. Sugbon ki n to dake, sekaseka ranti atunbotan. Bo o ba laye o seka, bo o ba ranti iku Gaa ko sotito. Nitori ti ogun ba jẹ lọ, ọgbọn a maa jẹbọ.

Sii Olootu Yoruba Dun,

Inu ibanujẹ ni mo ti n kọ lẹta mi yii si yin. Mo padanu baba to bi mi ni kete ti mo pari ile iwe girama. Sugbon mo pinnu lati tesiwaju ẹkọ mi labẹ botiwukori lẹyin iku baba mi. 

Mi ò ni fẹ gba yin lakoko pupọ nipa alaye ogun ti awon idile baba mi gbe ko iya mi, wahala ile olorogun ẹni ori yọ o dile. Ọmọ meji pere ni iya mi bi, obirin kan ati okunrin kan. Emi si ni obirin ti mo si tun jẹ ẹgbọn.

Pelu agbara Olorun ati atilẹyin iya mi ti n fi ounjẹ tita sọrọ aje, mo pari iwe giga mi ni nnkan bi odun mẹta sẹyin.

Ẹlẹburukẹ si ni Oluwa, kete ti mo pari ile iwe ni ọba oke pese ise fun mi ni ile ise agbase se kan ni ilu Eko.

Sungbọn ìsòro ti mo ni ni wi pe, ọga tuntun ti won sẹsẹ gbe wa si ile isẹ wa ni dandan ni oun fẹ ba mi sun ni tipa. O ti to osu kan bayii ti o ti n yọ mi lẹnu.

Awada ni mo kọkọ pe ọrọ naa sugbọn o ti n dooto bayii. Bẹẹ ọga yii lagbara ati dami duro lẹnu isẹ ti ẹnikẹni ko si ni yẹẹ lọwọ wo.

Bẹẹ ni mi ò setan lati fi isẹ mi silẹ nitori ibẹ ni mo ti n ran iya mi ati aburo mi lọwọ.

Ọkọ afesọna mi naa o ti rise kan se dabi-alara; oun naa si n wasẹ ni. Ọkọ afesona mi gba mi nimọran ki tun bọ maa bẹ ọga mi wi pe ko fi mi lọrun silẹ. 

Sugbọn ọga naa ko setan lati gbọ ẹbẹ mi. Lowọlọwọ bi mo se n kọ lẹta yii, gbogbo igba lọga yii maa kanra mọ mi, to si ma fise pami lori. Joojumọ lo si maa dẹru ba mi wi pe, oun yoo dami duro lọjọ kan ti mi o ba dẹkun agidi mi.

Ẹ dakun, ẹ gbami nimọran.

Emi ni ti yin ni tootọ.

Omidan Ọlabisi K.

 

Share on Google Plus

About Olayemi Oniroyin