‘A ma fi ile aye su Aregbesola”- Awon dokita

Gomina Aregbesola ti ipinle Osun

Wahala idasesile awon dokita ipinle Osun eleyii to ti bere lati odun to koja yii tun bureke nigba ti Gomina Rauf Aregbesola bere ipolowo igbanisise awon dokita tuntun lati paaro awon dokita ti won dase sile naa. Awon dokita ti won dase sile lojo kejidinlogbon osu kesan-an odun to koja yii (28/09/2015) ni won ti bere si ni leri wi pe,  gomina ko ti mo oloko ti n wa a, a ti wi pe, awon yoo fi ile aye su u ayafi to ba fi eto awon le awon lowo.

Lori rugudu yii, egbe awon dokita onimosegun ile yii lapapo, Nigeria Medical Association, ti gbe atejade kan jade wi pe, dokita kankan ko gbodo gbase lowo Aregbe ayafi to ba da awon dokita ti won dasesile naa lohun lori eto won ti won on beere fun.

Ninu oro ti alaga egbe naa, Nigeria Medical Association, eka ti ipinle Osun, Dr. Suraj Ogunyemi  so, o ni Aregbesola ko mo iru awon ti n ba tayo.

"Ti Sango ba n pa araba ti n fa iroko ya, bi tigi nla ko. Gomina ko mo iru awon eniyan ti n ba tayo. A ma fi ile aye su gomina. Kosi dokita tuntun kankan ti yoo gbase lowo Aregbe. Dokita to ba se bee, ko ni bo lowo ijiya egbe NMA. Bakan naa ni ko ni si dokita kankan ti o wa nikale lati seto igbanisise imosegun fun Aregbe. Ko ba dara ki Aregbsola so ohun to to,” Dokita Ogunyemi se lalaye bee pelu ohun re ti n lo soke fatafata.

Awon dokita ti won dase sile yii ni won lo fun idasesile nigba ti gomina ko lati san oju owo osu won pe losoosu. Won ni gbogbo igba ni gomina n fi obe la owo osu awon si meji bi igba ti eniyan ja buredi onibeji si meji ogboogba.

"Awon ti won ba le ni i lokan lati gba ise lowo Aregbe, ki won mo ninu okan won wi pe, pasan taa fi na iyale, o wa lori aja funyawo," Dokita Ogunyemi fenu oro re gunle bee.

Olori osise ipinle Osun, Ogbeni Sunday Owoeye ti fi da awon oniroyin loju wi pe, lotito ni ijoba ipinle Osun n seto lati gba awon dokita tuntun. Bakan naa lo tun se idaniloju re wi pe, kosi ohun kankan to le da eto naa duro rara.

Share on Google Plus

About Olayemi Oniroyin