Omo Tinubu gbe ibinu lo ba Buhari l’Abuja

*Awon iyaloja n beere eto won lowo ijoba egbe APC

Oloye Folasade Tinubu-Ojo

Olori iyaloja gbogbo ile Naijiria pata, Oloye Folasade Tinubu-Ojo, ti lo gboju agan lo ka Aare Muhammadu Buhari mole niluu Abuja l’Ojobo ose to koja yii latari bi ijoba re se koyan awon iyaloja kere ninu isejoba re. Arabirin Folasade, to tun je okan lara awon omo oloye agba egbe APC, Bola Tinubu, lo ko awon egbe iyaloja sodi lo si olu ile ise egbe APC to kale siluu Abuja lati lo fehonu nipa bibeere eto to je ti awon iyaloja lowo ijoba Buhari.

"Ise kekere ko ni awon egbe iyaloja se ni akoko idibo iyansipo ijoba to wa lode yii. Awon Yooba si bo, won ni eni to ba se nidi pepe dandan ni ko je nidi pepe. Ko dara to bi ijoba to wa lode ko se ri ti wa ro. Won ko tile fi wa sinu awon eto won kankan, eleyii to kudiekaato," Folasade se alaye re bee.

Oloye Folasade ko sai tun soro ba ipo re gege bi olori awon iyaloja ati bi o se je omo okan pataki ninu awon agba egbe ti n se ijoba lowo.

"Tori wi pe mo je omo Tinubu ko ni ki n ma se ojuse mi gege bi asaaju. Asaaju ni mi, mo si gbodo se bi asaaju fun awon eniyan mi. Ero ati ife won si gbodo di mimuse fun mi. Eleyii ko so wi pe mo tako egbe APC, ti egbe APC la n se.

To ba di lola, awon naa ni a ma se atileyin fun," Folasade fi alaye e gunle bee niluu Abuja.

Share on Google Plus

About Olayemi Oniroyin