#AyeOlabisiK6
Ọdaju laye, ika leniyan
 |
| Yoruba Dun: Itan igbesi aye Olabisi K (6) |
Lẹyin ti mo ti ko awon iwe
ọwọ mi silẹ tan, ẹni ti won ran si mi ti lo jisẹ loke. Lọwọ kan laago dun kan
mi lara wi pe ki n maa bọ loke.
Nigba ti mo doke, oga yii beere
faili kan lọwọ mi. Eleyii ti mo salaye wi pe mo ti gbe fun un saaju ọjọ naa. Ko
sọrọ le ohun ti mo wi. O siju womi tika-tẹgbin. O ni ki n maa lọ.
Emi si jade ni ofiisi re.
Mo gba ofiise accountant lọ. Nigbati mo de ibe, accountant ni won ni ki oun ma
fun mi ni nnkankan mọ. Mo pose saarasa mọ ọ lara. A n roju jẹkọ ọbun, obun tun
dakọ ẹ kere. Mo binu jade, mo gbe baagi mi mo si n lọ.
Igba ti mo de ẹnu geeti ni
isalẹ, ni baba gateman tun wi pe ọga ti pe wi pe won ko gbọdọ jẹ ki n jade.
Mo beere ohun to de, baba
gateman ò fun mi lesi ọrọ mi pada. Mo gun oke pada pẹlu ibinu. Kete ti mo goke
ni awon olopaa ba de ba mi. Oga mi na ọwọ si mi wi pe ẹni naa re. “Kini mo se?”
ni ohun to kọkọ jade lẹnu mi.
Awon olopaa ni mo ni
anfaani lati ma wi ohunkohun, tori ohun ti mo ba wi le jẹ atako fun mi ni ile ẹjọ.
Mo bẹrẹ si gbe oga mi yii sepe mo sin bi leere oun timo se fun gan-an. Pelu
ariwo yii ni awon olopaa mu mi lo si agọ won ni osan ọjọ naa.
Kini idi abajo ti oga mi
fifi olopaa mu mi? Iru irọ wo gan-an lo pa mo mi? Kini ohun to sele nigba ti mo de ago olopaa? Ibo loro mi ja si?
Ipo wo ni iyami wa nigba ti o gbo isele yii. Gbogbo ohun to sele pata ni maa
royin.
Emi ni ti yin ni tooto.
Olabisi K.
0 comments:
Post a Comment