Yoruba Dun: Itan igbesi aye Olabisi K (8)

#AyeOlabisiK8

Yoruba Dun: Itan igbesi aye Olabisi K (8)

Si Olootu Yoruba Dun,

Mo ro wi pe ẹ si n ba mi fọkan ba lẹta mi lọ. O wu mi ki n ti pada fun yin ni labaare lẹkunrẹrẹ. Amọ, ẹni gbodo mi lọrọ mi. Iduro ko si, ibẹrẹ ko si mọ.

Ara o rokun ara o radiyẹ. A fi aanu Eledumare nikan ni igbẹkẹlẹ mi.

Ìgbà ti awọn agbofinro mu mi de agọ wọn. Won fi ye mi wi pe mo gbé faili isẹ ti o to ọgọta miliọnu (60m) pamọ lati fi da ile isẹ mi lóró latari ikorira ọga tuntun ti ko faye gba imẹlẹ, aise olooto si ile isẹ ati awon iwa to sun mọọ. Eleyii ti won kofiri wi pe o kun ọwọ mi.

Se ẹ ko gbagbe wi pe ile isẹ agbasẹ se ni mo ti n sisẹ. Awọn ọlọpaa ni ọga mi se akiyesi wi pe ọta ile isẹ ni mi. O ni emi ti lọ lẹdi apopọ pẹlu awon orogun ile ise awọn.

O ni aimoye asiri ni emi n lọ tu sita, eyi lo si fa ti ile isẹ yii ko fi risẹ gba mọ bi ti tẹlẹ. Ti ina rẹ si n jo ajo rẹyin. Won ni ti isẹ kan ba ti yọju, ko to tẹ awọn lọwọ lemi o ti lọ ro fun awọn orogun awọn.

Awọn olọpaa ni ki n se akọsilẹ ohun ti mo mọ nipa ọrọ yii. Kini mo fẹ kọ gan-an? Won purọ mọ mi pe mo su mi o nudi, eniyan meloo ni mo fẹ sidi han pe irọ ni won pa mọ mi.

Talo fẹ gba mi gbọ ti mọ ba sọ iru iwa buruku ti ọga mi yii n wu? Awon ọlọpaa da mi duru si ẹyin ganta. Ibẹ ni mo sun mọjumọ ninu ẹfọn ati otutu. Itọ ẹnu mi ti gbẹ furufuru bẹẹ nnkankan ko wu mi jẹ.

Iya mi wa ba mi nigba ti ilẹ su pẹlu ọkọ afẹsọna mi. Won ko ri ọrọ naa yanju ni alẹ ọjọ yii. Mo sun ẹyin ganta ti ilẹ fi mọ.

Ọga buruku yii ti kọ lẹta si olu ile isẹ wa l’Abuja wi pe ohun ti ri ọdalẹ to n ba ile isẹ awon jẹ. Bẹẹ ile isẹ yii setan lati ba mi sẹjọ ti mo ba kọ ati gbe faili yi silẹ.

Ọrọ to wa nilẹ ti wa rekọja tọga mi nikan. O ti di emi ati ile ise wa lapapọ. Mo sukun ni alẹ ojọ yii, oju mi wu kongbakongba.

O digba kan naa.

Emi ni tiyin ni tootọ,

Omidan Olabisi K.

Share on Google Plus

About Olayemi Oniroyin