Eranko N Pa Eranko Jaye Ninu Igbo: Odaju laye!

 

Bi omo eniyan se n pa ara won jaye bee naa ni omo eranko n se ninu igbo. Omo erin lakatabu yii lo se agbako iku ojiji nibi to ti n mu omi to rogun sinu koto ni oun nikan. Omo erin ti awon onwoye so wi pe ko ti le ju bi omo odun meta si merin lo ni kiniun ololaaju le sare to si mu eyin re gun bi eshin.

 

 

Bi o tile je wi pe erin naa sare bi ko bo lowo iku ojiji ti n le bo leyin, sugbon ere sisa re ko to nnkan rara debi wi pe iku fi le fooda.

 

Igba ti erin naa de ikorita ibi ti ko ti le lo mo, kiniun naa bere si ni lo mo o lorun titi to fi mu eyin re bale

 

Arakunrin Kurt, eni odun metadinlaadorin (67years) lati ilu Switzerland ti isele naa soju re salaye wi pe, erin naa gbiyanju lati ma je ki kiniun naa roju-raye duro daada le lori nigba to n gbiyanju ati mu bale. O ni sugbon kiniun naa ko ba a janpata ni awon akoko yii leyin wi pe o kan ro mo lorun sibe naa ni.

Sugbon leyinoreyin, erin subu nigba ti ko ni agbara mo lati tesiwaju.

 

Arakunrin Kurt to je enikeji awon eniyan meji ti won ya awon aworan yii so wi pe o gba kiniun naa ni nnkan bi ogoji iseju (40mins) lapapo ko to le mu eyin erin naa bale di eran jije.

 

Ogbeni Haa to je enikeji Kurt so wi pe ko si aridaju wi pe awon erin nla wa nitosi lati gba erin yii sile fun nnkan bi ogoji iseju ti oun ati iku fi jo n woya ijakadi.

 

Ohun to tun bo mu iku erin naa ya kiakia ni iranlowo to ri lati odo okan lara awon omo iya re to wa ba a. Kiniun ti pemeji lori erin kan soso.

 

Gege bi alaye awon oluwadii mejeeji yii, won ni o seese ko je wi pe ki erin naa yapa pelu awon ebi re nipa igbiyanju re lati wa omi mu nigba ti ofun n gbe e gidi nitori ko si omi ni agbegbe naa rara. Ilakaka re ati ri omi mu je ki irin ajo re jinna eleyii ti oun gan-an fun ara re ko tete fura.

 

Awon kiniun pada di meta nigba ti eran ti dele. Odun eran jije fun awon kiniun Hwange National Park ti ilu  Zimbabwe.

 

'Bi o tile je wi pe isele naa ba ni lokan je, sugbon ohun to daju ni wi pe oju ko le fe iru e ku ninu igbo. Iran eran ni i pa eran jaye ninu igbo. Iriri yii ti a ri ninu igbo ilu  Zimbabwe je ohun ti ko ni kuro lokan wa kiakia' Ogbeni Haa

 

 

Olayemi Oniroyin, boya ni won ti bimi lodun ti Ayinla Omowura koko lo si Mecca akoko to lo. Sugbon orin to ko lodun to de lati Saudi lo le tente si mi lokan nigba ti mo n se ayewo iwadii Kurt ati Haa ti won fi aarin ilu sile lo sinu igbo irumole ni ilu Zimbabwe.

 

Ti eyin naa ba mo orin naa, e le ba mi ko:

 

'Mecca alalobo ni ti wa oo 2ce

Ori ti yoo royin ogun ko ni ku

Ayinla re Mecca o bo o

Mecca alalobo ni ti wa'.

 

Share on Google Plus

About Olayemi Oniroyin