#ogulutu #13
 |
| Owo tabua le mi n fe... |
Odun
tuntun ti bere. Bi eniyan se ipinnu, bi eniyan gbadura dola, ti eni naa ko ba
gbe igbese to ye fun igbe aye irorun, pabo naa ni oro re yoo pada kangun
si. Oro epe ko, otito oro bi isokuso nii
ri. Ninu odun tuntun yii, ninu owo ti n wole fun yin, e ri daju wi pe e san owo
fun ara yin na ke e to san owo fun enikeni.
O
kere tan, ida ogun ninu ogorun (20%) owo ti n wole fun wa gbodo di fifi pamo
fun ojo ola wa. Eniyan ti ko ba ti ko iru ogbon bayii, iru eniyan bee n ba won
gbe ile aye lasan ni. Ko nii se pelu iru ise ti a n se tabi bi owo ti n wole
fun se kere to, iru igbe aye nipa fifi owo pamo gbodo je baraku fun wa. Ko di
igba ti eniyan ba gba owo tabua ko to le
se amulo iru ogbon yii. Aseyori yin ko ti bere nigba ti e ba sawon fun baba
Kabiru lanloodu, e san owo ori fun ijoba, e san owo ounje fun iya Rebecca
oniresi, e sanwo gbandu, e sanwo sokoto, sugbon e wa gbagbe lati san owo fun
ara yin; eyin te e sise owo naa gan-an.
E
ma si mi gbo, mi o so wi pe ke e maa je gbese tabi ke ma se ojuse yin. Sugbon
iwa omugo gbaa ni wi pe e gbagbe lati san owo fun ara yin. Eyin lo ye ko je
akoko ti e sanwo fun nikete ti owo ba ti wole fun yin. E le lo si akaunti kan
loto nile ifowopamo ti e maa toju iru awon owo bayii si. Owo ti e n fi pamo le
kere, sugbon e ma je ko bu omi tutu si yin lokan. E tesiwaju lati maa fi pamo.
E
maa gbagbe wi pe bi ojo se n gori ojo la n dagba sii. Awon Yoruba sibo, wo ni ba
a nikan agba dani bi ewe laari. Igbese yii le niran fun awon ti won kii se
tele, sugbon ti e ba le roju, erin ayo ni o pada gba enu yin. Tita-riro
laakola, to ba jina tan ni won mu u soge. Alajetan eniyan won kii nitan rere
laye, eniyan ti ko lajeseku ni won gunle sebute ofo.
Olayemi
Olatilewa ni oruko mi, igbagbo mi ati ireti mi ni wi pe, lojo kan ni orileede
Naijiria, eni ti gun moto mesi-oloye ko ni pe ara re ni olowo mo, nitori
teru-tomo ni yoo ni oko ayokele ti won fi se faari nigboro. Nnkan pada bo wa derun
fun wa. E ma gbagbe, igbagbo ni orisun ati opin ohun gbogbo. E ku ikale.
0 comments:
Post a Comment