Yoruba Dun: Itan igbesi aye Olabisi K (25

#ayeOlabisiK25

Ẹ le ka itan igbesi aye Olabisi K to ti jade tẹlẹ NIBI ki ẹ to tesiwaju lati ka eleyii ki itan naa le yeyin daada

Yoruba Dun: Itan igbesi aye Olabisi K (25)

Omobirin yii mi kanlẹ lojiji, bi ẹni to ti pẹ lori ero to wa ṣẹri wale nigba o ranti wi pe ori iduro loun wa. Oju re tuka diẹ kuro loju asewo to n fi wo mi. Oju re si jo bi ẹni wi pe aanu mi-in se diẹdie. Bi o tile je wi pe ko soro, amo oju re jo bi eni to wi pe, “O daa, un se eyi ti Olorun fi ran mi”.

Omobirin yii yi pada loju kan naa lati lo ba mi mu aso ti mo fe wo wa. O ku die ko jade, ni mo ranti wi pe mi o tile beere oruko adugbo ti a wa. Ati oruko ile itura naa. Omobirin naa boju wo mi leyin, o wi pe:

“Anti, se e de ro wi pe ko si nnkan to se yin?”

“Nnkankan ko se mi, mi o kan mo oruko adugbo yii ni mo se n beere”

“Tori oro yin ko fe ye mi, mi o gbudo puro fun yin. Ti nnkan ba n seyin e so fun mi ki n tete ba yin pe awon security.”

“Haa, anti, nnkankan o se mi o. Ti nnkan ba se mi ma so fun yin. Eni ti emi ati e jo wa sibi lani gbolohun-aso. Oun lo ya aso mo mi lara. O fogbon gbemi wa sibi ni lo tun wa fe fi tipatipa ba mi sun. Nibi ti mo ti n dura lo ti fa mi laso ya.”

Omobirin yii ya enu, ko si le pade. O sun kuro lenu ona to wa, bee lo sun mo odo mi.

“Kilowade ti e o pariwo fun iranlowo ati wi pe eni naa da?”

“E wo, oro po ninu iwe kobo. E sa se iranlowo ti e ba le se fun mi na”

“Se ko saa seyin lese sa?”

“Nnkan o se mi. Mo ti pe enikan to n bo wa ba mi. Eni naa ni mo fe fun ni adiresi ibi, ko le tete wa ba mi”

Aanu mi se obirin naa pupo. Bi o tile je wi pe aimoye nnkan ni n be ninu mi ti mi o le so fun. Sugbo ipo ti mo wa, ibanuje okan, eyi ko le mu mi soro ju ti ye omobinrin yii pelu alaye die ti mo se fun un.

O fun mi ni address ibi ti awa yii. Mo si dupe lowo re. O jade lo ba mi mu aso wa. Leyin eyi ni ago mi dun, nomber oko afesona mi lojade loju ago. Ki ni mo fe wi fun okunrin yii. Mi o lakoko lati ronu jina, mo gbe ago naa.

“Hello kilosẹlẹ, ibo lowo wa? Ore mi ti n pe ago e lataaro, emi naa pe ago ẹ ko lọ. Kilosele?”

Mi o tile mo ohun ti mo fe wi fun un. Mo so fun wi pe alafia ni. Ati wi pe, ma se alaye ohun to sele to baya. Mo so fun wi pe mo ti ore re ba soro lori ago leyin igba naa, ko si ni i pe wa ba mi nibi ti mo wa mọ.

Mo pe ago ore oko mi nigba ti mo ba oko mi soro tan. Mo fun ni adiresi ibi ti mo wa. Ki o to de ba mi, mo ti paro aso.

Ile tun bo n su si ni ni ale ojo naa, sugbon ile iwosan ni mo pada sun nigba ti a kuro ni ile itura, emi ati ore oko mi.

Ẹ tẹsiwaju ninu itan igbesi aye Olabisi K NIBI

Share on Google Plus

About Olayemi Oniroyin