Mimiko ran Amaechi si Buhari lori gbese N11b

Mimiko ati Amaechi

*Mimiko (PDP) ati Amaechi (APC): Ore atijo meji pade l’Akure

Minisita fun igbokegbodo oko, Ogbeni Rotimi Amaechi se abewo si ipinle Ondo pelu awon igbimo re l’Ojobo ose to koja yii lati foju wo bi ayipada rere se le deba awon oju popona to je tijoba apapo. Abewo yii lo mu ore meji atijo tun pada nigba ti Gomina Ipinle naa, Olusegun Mimiko gbalejo Amaechi, eni to ti fi igba kan je omo egbe PDP tele.

Ninu abewo yii, bi Mimiko se n gbe ebun fun Amaechi, bee naa lo ran an leti lati jise fun ijoba apapo lori awon owo ti ipinle naa ti na lori atunse asepati awon ona ijoba apapo to wa ni ipinle Ondo. Gomina Mimiko to pada sinu egbe PDP to ti wa tele lati inu egbe Labour se alaye wi pe, bilionu mokanla owo naira ile Naijiria (N11b) ni awon na lori ona naa eleyii ti ijoba apapo yoo si dapada fun ipinle Ondo.

Ki awon oro gomina Mimiko ma ba dabi oro asodun lasan, komisanna fun ise ode tipinle Ondo, Onimo-ero Gboye Adegbenro, gbe iwe funfun nla kan jade eleyii to kun fun akosile ise oju ona to je ti ijoba apapo sugbon ti ipinle naa ti fi owo apo won tunse.

"Oju ona Ore si Okitipupa je ise owo Mimiko. Bakan naa oju ona Oweo si Ikare ni Olorun ti gba owo Iroko se ise ribiribi. Iyen nikan ko, oju ona Ajowa to fi de ibi ti ipinle Ondo ati Kogi ti gbe paala ni Olusegun Mimiko ti gbe segun nipa ipase titi oloda ti n yo kululubi bi opopo’Mecca, komisanna salaye bee niwaju Amaechi ati awon igbimo re.

Bakan naa ni komisanna tun salaye siwaju wi pe, ijoba Buhari yoo da owo ti awon fi se oju ona Itanla si oju ona Ondo pada. Eyi to tun jo iru re ni owo ti ijoba ipinle Ondo na lori ikorikita Ore to wa loju ona Benin si Shagamu, ni won ni ijoba apapo yoo ko le ipinle Ondo lowo lodinindi. Onimo-ero Adegbenro tun so fun Amaechi wi pe, inu awon yoo dun ti ijoba ba le da owo ti awon na lori ona Igbara si Oke, ati eyi ti awon na si Ogbese to je abala oju ona Ilesa si Owo pada.

Gbogbo alaye won ni Minisita ko sapo bi Gomina Mimiko se gbe ebun le e lowo. O si fi n da won loju wi pe gbogbo to ba ye ni ijoba to wa loke yoo se lati ri daju wi pe anfaani ijoba awaarawa kari gbogbo mekunnu pata.

Share on Google Plus

About Olayemi Oniroyin